محاضرة سلامة الغذاء وصحة المواطنين خلو بالكو(معلومات جديدة

الموضوع ده لوجه الله

واقروه وبلغوه لغيركو لان حاجب العلم

بيلجمه الله بلجاما من النار يوم القيامة

انا باخد كورس في سلامة الغذاء وصحة المواطنين

وبما انا شغلي تبع الاتحاد الاوروبي

يعني بنطبق معايير الجودة تبع البروتوكول الاوروبي

بس ده للاكل الللي بيتصدر بس عشان احنا وحشين

في مصر

المهم الدكتور عيط اووووووووووووووي وهو بيشرح ع حال البلد

وع مراكز السرطانات والكبد والغسيل الكلوي

اللي المفروض تكون في كل مركزو كل نجع مش كل محافظة

ربنا يرحمنا ياررب ويرزقنا بالقيادات المحترمة

اللي تخاف من ربنا وتعمل حساب يوم لقائة ادعو بجد

بالله عليكو انا هلخص المحاضرة في نقط وياريت تعملو بيها

وتقولوها للي واليكو

بسم الله

1- الفراخ اللحمة السمك لازززززززززززم وحتما ولابد يتجابو قبل منعملهم

بيوم سواء هنسويهم او نحطهم بالفريزر

نعملهم تبريد يوم كامل بالثلاجة عشان تحافظ ع خواصها

2- ممنوع نسيحهم ونرجع نجمدهم تاني

كدا السائل اللي بينزل بيكون فيه البروتن والفيتامين

فايدتهم هترووووووووووووووووووووح

ولما نسيحها نسيحها ازاي نحطها في التلاجة قبليها بيوم

عشان تسيح بالتبريد

3-لازم الفراخ تتغسل كويس وتصفيها ازاي تجيبي حاجة زي القمع

وتوقفيها بحس تنزل ميتها بتاع 10 دقايق عشان نحافظ ع الفرخة وفيدتها

طبعا ربنا يهديهم اصحاب شركات الفراخ المجمدة مش راضيين

يعملو كدااا والله اعلم اذاكان كلهم ولا فيه حد خايف من ربنا

4-اللب طبعا اكلين لب فنعمل ايه نحمصه دقايق بس

عشان نمنع الاصابة بدودة الاسكارس

لاننا بنلاقي ناس كتير بتشتكي من الهرش في المنطقة الشرجية

خلو بالكو

5- ازايز الميا المعدنية بعد متفضا اوعو تستعملوها ليييييييييييييييه

لانها بتتفاعل مع الكلو وبتكون خلايا سرطانية ربنا يحمينا يارررررررررررررب

بس خلو بالكو لو سمحتو بلاش

مزنوقين اووي هاتو ازيز العصاير بتاعة ياهوو هي ايزاز بلاش البلاستكات

6-حطو كوباية ميا ع الحوض وفيها ملح او بيكربوناتو

او بيكنج بودر اللي موجود واتمضمضو بيه

هيمنع الم الاسنان خالص وكمان مزيل للفطريات

البيكربانو هايلة ممكن تحطوها مع ميا مغليه في بلاعة الحمام

هتمنع الريحة

7- بلااااااااااااااااااااااااااااش اللانشون وبسطرمة

برا اعملوهم في البيت لو خايفين ع صحتكو

8-صلاحية الفراخ المبردة سيبكو من كلام حكومتنا

انها 7 ايام لا خلوها 4 ايام

9-مواصفات السمك لما نشتريه لازم يكون ريحته ريحة البحر

القشور سليمة وصعبة الازالة مش بتتشال بسرعة يعني

وعينها براقة لامعة والفم مغلق او يكاد يكون مغلق

يعني مش مفتوح السمكة متكونش منفوخة الخياشيم وردية كدا

تبقا السمكة طازة

10- الرنجة بلاش نشتري المعروضة من غير تلاجات دي حكمها اعدام

امال الرنجة لازززززززززززم تتحفظ عند درجة -18 لو هتحفظ 5 شهور

او عند درجة 0-4 لو هتفظ 3 شهور يعي بلاش المعروضة كدااا

وبلاش كمان عيش الرصيف

11-الطماطم اووووووووووووووووووووعو لما تعملو ها صلصة او اي

اي اي اي صورة ليها تحفظ في معادن

هتتفاعل فوري معاها وربنا يحمينا بقااا

اما في تتشال في بيركس او بلاستيك او فخار غير لامع

12- وكمان خدو دي البرتقال او الخيار او الموز مش يتشالو في التلاجة

ليههههههههههههههه

عرفين السواد اللي بيبقا في جلدة التلاجة من جوا

هما السما وياريت لو عيزين تاكلوهم ولا تشيلوهم في تلاجة

تغسلوهم لاء ومش اي غسيل بلييييييييييفة

كدا خلصت محاضرة النهاردا واي جديد هضيفه ان شاء الله

الموضوع لوجه الله دي حجات بسيطة بس

يعني في ساعتها يبان ضررها خلو بالكو

اوقات لما نروح نشتري سمك بوري ممكن السماك يضحك علينا

هو مش ممكن هو بيحصل عادة الا مارحم ربي

يدينا سمك المبروك علي انه بوري والمبروك طبعا تلاقيه جايبه ب2 ج

ويبعهولنا ب20 ج ع انه بوري

طب هنميز ازاي الفرق بينهم

هنبص علي الزعنفة العليا لو لاقينا 2 زعنفة يبقا بوري وكدا تمام

لو لقينا زعنفة واحدة كدا دا حرامي وده سمك المبروك طبعا اقل جودة

المعلومة التانية البلطي

البلطي ياجماعة دي اكتر سمكة مش ضارة

وتكاد تكون خالية من السموم خلو بالكو انا من ساعة

مشتغلت ومشفتش نتيجة تحاليل سليمة

الا البلطي السمكة دي بترفض السموم

وعيزة اقلكو ان اسرائيل بتستورد البلطي بطريقة مرعبة

وتعمله فيليه وتسميه السمك المقدسة عشان عرفة اهميتها تماما

بجد البلطي ده يستاهل مليوم بوسة

تالت معلومة دي تخص الحوامل ياريت كل اسبوع

تاكلي تلت كيلو تونة يعني علبة تونة كدا بس تنضيفها من الزيت

اللي جاي في العلبة

وده لاسباب يطول شرحها اللي يهمكو فيها انها بتخلي نسبة الذكاء

عند البيبي كبيرة جدااا

رابع معلومة احنا مش بنصدر الماكريل ولا اي سمكة

من عيلة الماكريل لاسباب كتيرة برضه تخص دهونها

طبعا احنا في مصر اكيلة ماكريل

خلو بالكو من الرنجة لو مش محفوظة كويس

ونضيفة بيكون فيها دودة كدا حلزونية بتبقا شفافة

حتي بنقول عليها جليسي يعني زي الزجاج

بلاش اوعو اوعو الخياشيم اوعو تاكلوها بتبقا فيها بلاوي

هكتب بقا كل مشاكل الاسماك بكرة ان شاء الله

ادعو ربنا يخلصنا من القيادات المش محترمة اللي بتاجر بصحة الناس

والله ياجماعة احنا لازم نخلي بالنا احنا من نفسينا

ربنا يشفي كل مرضي المسلمين وجع والم السرطان

مش بقا ينفع معاه حتي الافيون

الناس اللي بتاجر بصحتنا احسنلهم يضربونا بالرصاص

بدل ميجبلونا المرض ونموت بالبطئ

ودعواتكو ليا ولبنتي وجوزي

الشكر والتقدير للاخت صاحبه الموضوع

طبعا منقوووووول للفائده وبنا على طلب صاحبه الموضوع

موضوع مميز مشكوووووووورة

» فطيرة البطاطا جديدة و رووووووووعة
» لا تشتري أحذية جديدة باهضة
» تنظيف حمالات البوتجاز بطريقة بسيطة جدا وفي دقائق ستعود جديدة
» معلومات عن جسم الانسان
» معلومات عن الانترنت