مقادير عجينة العشر دقائق

مقادير عجينة العشر دقائق مجموعتين هما :


المجموعة الأولى :

2 كوب ماء دافئ

2 كوب دقيق فاخر

2 معلقة خميرة فورية

1/4 معلقة صغيرة ملح

2 ملعقة لبن بودرة


1/4 كوب سكر


المجموعة التانية :


3 كوب دقيق فاخر


1/2 كوب زيت نباتي



الطريقة :


نحطي مقادير المجموعة الأول مع بعض ونسبهم يتخمرو 10-15 دقيقة



نحط عليه مقدار الدقيق وأنا بحط اضافة بسيطة من


(1معلقة صغيرة باكنج باودر) ونبدأ نعجنهم مع بعض



نصب مقدار الزيت على العجين ونستمر في العجن كويس .

لو طرية حتحتاج لعجن كمان وهنا رشية دقيق بسيط

أقسمها علشان حعمل كذا حاجة علشان


ماشاء الله العجينة كبيرة


( يعني نحاول ما نعدش نقلب في العجينه ونفرد ونلم


تاني ده سر بسيط من الاسرار)



الموديل نمره 1 (البيتزا الكبيرة)


دهنت صينية كبيرة بشوية زيت وفردت حته عجينة ودهنتها كاتشب.


وحطيت حجات البيتزا


(فلفل رومي - طماطم -زيتون أخضر)ورشيتها بجنه شيدر صفراء.



وخبزتها في الفرن لحد ما استوت والجبنه ساحت



الموديل نمره 2 (كروسون الجبنه أو الباتيه)


فدرت العجينة على شكل دائرة وقطعتها مثلثات


زى مابثطع البيتزا



وبعد كده حشيتها جبنه كيري وجبنه بيضاء ولفتها


ورصيتها في صنينة مفروشة بورق الزبدة


ودهنتها بصفار بيض ولبن ورشية عليها سمسم.


وده كرواسون


وخبزتها في الفرن لحد ما نفخت واتحمرت



الموديل نمرة 3 (الأقماع)



فردت العجينة وعملتها على شكل مستطيل .


وقطعتها شرايط طوليه


وبعد كده لفتيها على الأقماع ولزقتها بشوية بياض بيض


علشان ما تفتحش في الفرن .


ودهنتها برضو بصفار بيض ولبن علشان تحمر وخبزتها




الموديل نمرة 4(mini pizza)



فردت العجينة وقطعتها على شكل دوائر سميكة

شوية بسيطة ودهنتا بالكاتشب وبرضو حطيت عليها حاجات البيتزا


(فلفل رومي - طماطم -زيتون أخضر)


بس دي بقى حطيت عليها جبنه موزاريلا فرش .


وخبزتها في الفرن لحد ما استوت والجبنه ساحت


وسامحونى اسفه مش بعرف انزل الصور


وطبعا منقول للفايده
عجينة ال10 دقايق بس بإبداعات شيف بالخطوات المصورة ^_^

تسلم ايديكى موضوع رائع

عجينه سهله وبسيطه وتتعمل كل حاجه


ماشاء الله عليكى وتسلم الايادى

انا جربتها جميله جدا

تسلم الايادى جربوها يابنات

تسلمى بس لو كانت بالصور

تسلم ايديكى