كيفية اكتشاف الاصابة بسرطان الثدى

سرطان الثدي اجارنا الله وأياكم منه

اولاً سبب المرض:

ـ الوراثة.

ـ الفيروس.

ـ نوعية الأكل.

ـ الإشعاع.

ـ الأدوية.

ـ الهرمونات.

وفيه كمان عوامل بتزيد من إمكانية ظهور الإصابة بهذا السرطان منها:

ـ التقدم في العمر.

ـ الحمل بعد سن الثلاثين.

ـ ابتداء الدورة الشهرية قبل سن الثانية عشرة.

ـ استمرار الدورة الشهرية لما بعد سن الخمسين.

ـ السمنة.

ـ حدوث سرطان الثدي عند الأقارب.

وفيه كمان علاقه بين هذا المرض وبعض السرطانات التانيه زى سرطان المبيض مثلا

ثانياً علامات وأعراض سرطان الثدي؟؟؟

يجب على كل سيدة أن تكون على علم تام

بشكل وحجم وقوام ثديها وأن تقوم بفحص نفسها

دوريًا شهريًا بعد انتهاء الدورة الشهرية

بعدة أيام ويجب عليها مراجعة وإبلاغ الطبيب

بمجرد حدوث أي من التغيرات التالية:

1ـ وجود كتلة في الثدي 'عادة غير مؤلمة'.

2ـ إفرازات من حلمة الثدي سواء كانت مخلوطة بدم

أو إفرازات صفراء 'غير مخلوطة بدم'.

3ـ تغير في لون الحلمة والجلد وظهور تشققات أو انكماش بالحلمة.

4ـ تورم الغدد الليمفاوية تحت الإبط.

5ـ ألم موضعي بالثدي 'رغم أن معظم الأورام الخبيثة غير مصحوبة بألم'.

6_وجود سخونه فى منطقه عينه فى الثدى

7_ملمس جلد الثدى يكون مثل قشرة البرتقاله

لو لاحظتى اى من هذه الأعراض يجب مراجعة طبيب مختص

ثالثاً ما هو المطلوب؟

ج2: المطلوب حسب تعليمات وإرشادات المراكز

والجمعيات الصحية المتخصصة في مجال أورام الثدي ما يلي:

1ـ حافظي على فحص نفسك دوريًا كل شهر.

2ـ افحصى ثدييك دوريًا بالأشعة مرة كل سنتين

من سن الأربعين إلى الخمسين ثم سنويًا بعد ذلك.

3ـ اختاري مركزًا يوجد به أطباء متخصصون

حيث إن متابعة العلاج مع نفس الأطباء

يمكنهم من مراجعة الملفات ومقارنة الأشعات سنويًا

وبذلك يمكن اكتشاف أي تغيير بسهولة.

رابعاً النصائح>>

1ـ التقليل من أكل الدهون.

2ـ تجنب السمنة.

3ـ الإكثار من أكل أطعمة الألياف.

4ـ الإكثار من أكل الفواكه والخضار.

5ـ مراجعة الطبيب عند ظهور أي عوارض مرضية على الثدي.

6ـ الفحص الدوري.

طيب ازاى تفحصى نفسك بنفسك فى البيت؟؟

بعد الدوره الشهريه بتوقفى قدام المرايه

وترفعى ذراعيكى لأعلى فوق رأسك

وتبدأى تفحصى كل ثدى بالايد الأخرى

يعنى اليمين باليد الشمال وهكذا

بدايه من تحت الابط الا الثدى وتلاحظى اذا كان فيه كتله غريبه مثلا

تانى تمرين:

انك بتحطى ايدكيى فى وسطك وتتنى جسمك للأمام

كأنك فى وضع الركوع مثلا وتبدأى تحركيهم للأمام وللخلف

وبتشوفى اذا كان الثديين بيتحركوا ويمتدوا عادى ولا لأ

طبعا الطبيعى انهم يتحركوا لكن لو كان لأ يبقى لازم فحص طبى

ثالث تمرين :

انك بترفعى ذراعيكى لأعلى وتضعيهم فوق رأسك

وتحركيهم للأمام وللخلف وبرضه بتلاحظى حركة الثديين وشكلهم

اذا كان فيه اختلاف بينهم أو تلاحظى ارتخاء عضلة الثدى من عدمه

رابعا:

تستلقى على ظهرك فى الأرض وتفحصى ثدييكى بايدك

عشان ممكن تظهر حاجه ما حسيتيهاش وانتى واقفه

وبتلاحظى فى كل التمارين دى اذا كان فيه انكماش

فى الجلد مثلا وممكن تكون فيه كتله لا تزول

أو تضخم فى حجم ثدى عن الاخر

طبعا التمارين دى بتتم فى المنزل

لكن لو لاحظتى أى اختلاف وكمان فى شكل الثديين

يعنى فى لونهم أو منكمشين بشكل غير طبيعى أو نزول افرازات

لازم الفحص يتم فالمستشفى بسرعه جدا

المرأه من 20 ل 40 سنه تفحص نفسها شهريا

وعند الطبيبه كل 3 سنوات

لكن اللى فوق الأربعين تفحص نفسها شهريا وعند الطبيبه كل سنه

أما اللى عندها حاله سابقه فى العائله

يفضل الفحص الدورى ده باستمرار لأنها بتكون أكثر احتمال بالاصابه

طبعا الاهتمام مهم بس بلاش الوساوس كمان تسيطر علينا

يعنى فى فترة الرضاعه أو الدوره الشهريه

بيكون شكل الثدى مختلف وممتلئ أكتر يعنى مش اصابه مثلا أعوذ بالله

والرضاعه الطبيعيه من اهم العوامل اللى بتبعد عننا المرض ده

حبيباتى ربنا يعافينا كلنا من المرض الخبيث وجميع الأمراض

بس الوقايه خير من العلاج

اكيد منقووووووووووووووووول لاهميه الموضوع

موضوع مهم بارك الله فيكى

وكل سنه وانتى طيبه

شكرا على الموضوع المفيد

اعازنا الله منه جميعا

» كيف تتغلبين وتنتصرى على سرطان الثدى
» صوره بتوضح اعراض سرطان الثدى
» اعراض سرطان الثدى وطرق علاجه
» واخيرا تم اكتشاف سبب مرض السرطان
» "ديلى ميل": الكارى والفلفل الحار يحاربان سرطان الثدى ويمنعان نموه