ماذا تفعلين باللبن القاطع ؟

ماذا تفعلين باللبن القاطع ؟



١- ممكن تعمليه لبنه صفيه خالص من الميه

وحطي عليه ملح ورشه زعتر لو تحبي ورشي عليه زيت زيتون


٢-اعمليه جبنه قريش


لا ما تغليهوش وتعالى اقولك تعملى بيه اية؟


تجيبى حلة على قد اللبن بالضبط وتكون بالغطاء


وبعد كدة لو احنا فى صيف تسيبيها على الرخامة لمدة يوم كامل

ولو شتاء لمده 2 يوم بدون غلى

وبعد كدة هتلاقى اللبن بقى زى الزبادى بالضبط


هتحطى بعد كدة

على كل كيلو لبن معلقة صغيرة ملح اوعلى حسب رغبتك فى الملح


وبعد كدة تجيبى طرحة تكون شاش نضيفة جدا

ومغسولة بالمية كويس جدا


وتحطيها على مصفة عندك تحتها حاجة تنزل عليها المية الزايدة


وبعد كدة تدلقى اللبن

بعد ما حطينا الملح على اللبن

فى الشاش

وتقفلى الشاشة برراحة خالص علشان ما يدلقش منك برة المصفة


وتسبيها تصفى لمدة يوم كامل

ولو الجو حر تحطى المصفة فى التلاجة تصفى براحتها

وبعد كدة هتلاقى عندك احلى جبنة قريش بخيرها


٣-
استعمليه في المش

هتصفي اللبن من المية الزايدة بمصفاة

وتحطى علية ملح وشطة وكمون وتجيبى من السوبر ماركت علبة (مش)

وتفضيها فى برطمان اكبر شوية وتحطى علية اللبن اللى قطع

وحطى علية فلفل احمر بيكون تحفة



٤-ممكن تعجني به القرص الطريه او البيتزا او السمبوسك



٥-ممكن تعملي به كيك الزبادي او الرواني او كيك جوز الهند

وكلهم في ملفات الحلويات



٦-ممكن تعمليه جبنه قديمه شبه المش

تحضرى عصير ليمونة واحدة وتضعيها فوق اللبن القاطع...

ثم تتركيه داخل الثلاجة لمدة

24 ساعة بدون ان تفتحي الاناء خلال هذه الفتره

وتبدائى بعد ذالك بالخطوة الثانية


ان تضعى على اللبن القاطع قطع من الفلفل الاخضر الحار

والملح المناسب

ثم تضعى عليه ايضا قليل من حبة البركة و قليل من حبات الحلبة


و تتركيه فترة على حسب رغبتك من نصف يوم ليوم

ثم تبدائى فى استعمال الجبن



٧-اعمليه جبنه كبايات طريه

هتصفى اللبن ثم تضعيه في الخلاط و عليه قليل من الماء

ثم ملعقتين زبده و نص كوب

قشطة حامضه (sour cream ) وتخلط جيدا

بتكون تحفه

٨-تجيبى فواكة فراوله او موز وتضربيهم معاه في الخلاط

مع قليل من السكر هيبقوا زى زبادو



٩-الكيك

ر:
3 كوب دقيق

2 كوب سكر بودرة

نص كيلو لبن قاطع مضروب فى الخلاط مع 2 معلقة ماء

3 بيضات

كيس فانيليا

كيس بيكنج بودر



الطريقة

يضرب البيض جيدا مع الفانيليا لمدة دقيقتين

يضاف عليه السكر ويخلط جيدا حتى يمتزجوا


ثم يضاف اللبن المخفوق ويخلطوا جيدا

ينخل الدقيق فى طبق خارجى ويضاف

عليه البيكنج بودر ويقلب جيدا

يضاف الدقيق شويه شويه الى الخليط السابق

ندهن صينية متوسطة بشوية زيت ونصب المزيج فيها

ويخبز فى فرن ساخن مسبقا لمدة 30 دقيقة




١٠-اعمليه جبنه عاديه

حطيه على النار لحد ما يجبن

حطيه فى شاشة و سيبيه يتصفى شوية

ساعة مثلا

و فكيه من الشاشة وملحيه و اضيفى زيت زيتون

و اى حاجة تعجبك زعتر مثلا

١١- اعمليه لبن رايب وهناك طريقتين


الطريقة الاولي

غلي اللبن القاطع أولاً ،

ثم يسكب في اناء وبعدما يبرد

يتم خفقة في الخلاط جيداً ثم يحفظ في الفريزر

حتى يبرد ويكون جاهز للشرب .



الطريقة الثانيه

وضع كوب من الزبادي (بعد يومين من انتاجه)

على كيلو من اللبن القاطع ثم يتم خفقهما في الخلاط جيداً ،

ووممكن أعطاء نكهات للبن مثل قطع من الموز او الفراولة


او قليل من عصير مانجو .




منقول للافاده

افكار رائعه تسلمى مروة

كل سنه وانتى طيبه

تسلم ايديكى على الوصفات الحلوة

بارك الله فيكى وفى صاحبه الموضوع