مكرونة ببشاميل البطاطس والكبد والقوانص

مكرونة ببشاميل البطاطس والكبد والقوانص لام عمرو خالد


جزاها الله كل خير


المقادير


1\2 كيلو مكرونة قلم

1\2كيلو كبد وقوانص او لحمة مفرومة

1\2 كيلو بطاطس مسلوقة

1\2 كيلو لبن

2بيضة

بقسماط مطحون

بصل وفلفل رومى الوان

توم وملح وفلفل اسود

زيت

زبدة اوقشطة او جبنة


الطريقه


غسلت الكبد والقوانص كويس بالخل والليمون


علشان الزفارة وبعدين قطعتها


وشوحت بصلة كبيرة لحد ما دبلت شوية فى الزيت


ونزلت عليها بالفلفل والتوم والقوانص


وسيبتها شوية وبعدين ضفت الكبد واخيرا الملح والفلفل


فى نفس الوقت سلقت المكرونة وصفيتها


والبطاطس كانت مسلوقة ومتقشرة


فحطيتها فى الخلاط وعليها ملح وفلفل اسود


واللبن بالتدريج



لحد ما القوام يبقى تقيل ومتماسك كده المقدار


ده عمل لى طبقين


وبعدين جبت الصينية البيركس


ودهنتها زبدة ورشيتها بالبقسماط



وحطيت طبقة بشاميل خفيفة


ورصيت نص المكرونة



وبعدين رشة بشاميل تانية وبعدين الكبد والقوانص



ونص المكرونة الباقية



وباقى البشاميل وضربت بيضتين بملح وفلفل


ومعلقة زبدة وضيفتها على الوش



ولو حابة تحطى جبنة ماشى او قشطة


ودخلتها الفرن

وعلى فكرة طعمها ميفرقش حاجة عن البشاميل العادى

وطبعا ممكن نغير الحشوة اللى يريحك


اكيد منقول

تسلم ايديكى


انا دايما بعمل صينيه المكرونه بالقنص والكبد وبجد روووووووعه

وانا كمان جربتها طلعت حلوة واكتر من رائعه



تسلم ايديكى نوررررر

بموت فيها جوعتينى شكراااااااا