العيش الفينو **احلى طعم و اسهل طريقة عمرك ما هتنسيها طريقة 444

[ندعوك للتسجيل في المنتدى أو التعريف بنفسك لمعاينة هذه الصورة]



المقادير




انا هنا قولت طريقة444 يعنى تلات اربعات


عشان نفضل فاكرين المقادير بسهولة

جدااااااااااا و هنفسرها كلاتى :-

4 كوب دقيق

4 معالق صغيرة زيت

4 معالق صغيرة سكر

نصف معلقة صغيرة ملح

قطعة خميرة فى حجم الليمونة

كوب و نصف ماء دافئ( يقل او يزيد حسب نوع الدقيق)






الطريقة




1- هناخد قليل من الماء الدافئ و معلقة سكر و قطعة الخميرة


و ندوبهم مع بعض و نغطيها تخمر لحد ما نجهز باقى الحاجات

2- هنضيف على الدقيق الملح و السكر و الزيت


و الخميرة والماء بالتدريج و نعجن من10 الى 15 دقيقة

ممكن تلاقى العجينة بتلزق شوية فى الايد عااااااااادى جدااااااااااااااا



3- اكيد لازم نغطيها و نسيبها تخمر ...

انا كنت بسيبها فى الصيف تخمر ساعة لكن فى الشتاء يفضل


ساعتين




4- و بعدين نحضر الصوانى بتعتنا و ندهنها زيت


و بعدين نشكل العجين حسب الرغبة يعنى ممكن تعمليه كيزر و ممكن طويل

و كمان شكل ضفيرة انا عملت منه اشكال تانية مختلفة

يا رب تعجبكوا



[ندعوك للتسجيل في المنتدى أو التعريف بنفسك لمعاينة هذه الصورة]




و على فكرة الكيلو عندى 5 كوبايات بعمل 4 كوب بيعملى حوالى 22 رغيف

و بقرص الاول 22 كورة و بعمل نصهم كيزر


و النص التانى بفردهم فينواو على شكل ضفيرة


بس الافضل انك نحشى شكل الضفيرة قبل ما نخبزه

5- طريقة الكيزر معروفة هتقرص العجينة فى حجم البيضة


و اما الفينو الطويل طبعا هتفرد كورة العجين بالنشابة



و بعدين تلفيه رول و طبعا لازم تقفلى الجانيبن


بتوع العجين عشان الهوا ميطلعش منها فى السوا فى الفرن

و بعدين ترصيه فى الصوانى و تغطيه يخمر ساعة و نص فى الصيف


يبقى 3 ساعات اكيد فى الشتاء


[ندعوك للتسجيل في المنتدى أو التعريف بنفسك لمعاينة هذه الصورة]







6- و بعدين نشغل الفرن يسخن جامد


و بعدين اجيب العيش ادهن وشه زيت بالفرشاة

براحة جدا عشان ما اطلعش الهواء العجين


و ممكن تدهنيه بصفار البيض مع فانيليا بس انا بفضل الزيت

7- تدخليه الفرن على نار متوسطة


وبعد مايطلع من الفرن نغطيه بفوطة او بقماشة


نظيفة عشان يفضل طرى و بالف هنا و كلى احلى عيش فينو



وطبعا الموضوع منقول للفايده

لام يحيى و مازن جزاها الله كل خير

رائع جدااااااااااا ويتاكل من الصورة اكل


تسلم الايادى