اشيـاء لازم تعرفيها قبل وبعد شراء القطط
اولا: هنشترى القط وهو عنده 40 يوم ومش اقل من كدا
واللى يقولك ان عمره اصغر اعرفى انه مش صادق فى كلامه
ولو واثقه فى كلامه ياريت متاخديش القط غير بعد 40 يوم عشان
يكون اتفطم
ثانيا : انتى بشترى القط عمره 40 يوم بالنسبه للانواع والاسعار
هنتكلم عليها فى موضوع تانى بس القطه الانثى اغلى من الذكر
ثالثا: قبل ماتشترى القط تأكدى ان صحته كويسه
هتتأكدى ازاى ؟؟
بصـى اول حـاجه والقطـ اودامكـ كده هتشوفى عنيه لاززززززم تكونى صافيه
ودانه تكون لونها وردى مفيهاش فطريات او اى حاجه لونها بنى او اسود
ومتسمعيش كلام اللى بيبعلك القط لو قالك ان الحاجات دى بتروح مع الحموم
لاننا مش هنحمى القط دلوقت خالص وكمان مش هغنسل ودانه من جوه
بعد كدا تبصى على فروه القط ايا كان نوعه ا1ا كان فروته تقيله او خفيفه
هتفتشى فيها وتتاكدى ان القط مفيهوش براغيث
كمان مفيش فراغات فى الفروه يعنى مناطق مفيهاش شعر
وبعدين هترفعى زيله وتبصى مكان الاخراج عنده
لازم المكان ده نضيف ومفيهوش اى التهابات
اشتريتى القط خلاص وكلو تمام ومفيهوش حاجه الحمد لله مبروك
هنروح بقه بالقط البيت
هتكونى محضره طبق كبيير درج تلاجه قديم
( انا اعامله كده عندى )بس تكون الجوانب بتاعته مش عاليه
او قروانه بلاستك كبيره ياريت حاجه مربعه او مستطيله
يعنى مش مدوره عشان تسهل عليكى انك تركنيها جمب اى حيطه
او فى ركن متاخدش مساحه
نصيحه قبل متشترى القط وقبل ميدخل البيت هتكونى محدده مكان الحمام بتاعه
والاكل والمياه
وكل واحد على حسب رغبته
يعنى فى ناس بتحب المطبخ وناس بتحب الحمام عشان ريحه الرمل
وناس بتحب فى اوضه
وانا بقولك طول منتى نظيفه وبتغيرى رمل القط على طول
مش هيطلع ريحه صدقينى
المهم انك تختارى المكان وحاولى قدر الامكان متغيريهوش
يعنى مش من هنا لهنا عشان القط يتعود على الاقل
اول فتره الرمل ميتنقلش عشان القط ميستسهلش ويعمل فى اى حته
وساعتها هتتعبى اكتر عشان تبطليله العاده دى
خلاص اتفقنا هنحط الرمل فى المطبخ مثلا اول مندخل من الباب والجو ده
هندخل على مكان الرمل براحه كده من باب الشقه وهنمشى راحه وهندخل على
الرمل و(هنمرمغ راس القط بالرمل ) يعنى هنحط راسه بالراحه خالص وهنجيبها يمين
وشمال وهى محطوطه فى الرمل ومتخافوش عن تجربه بس بالراحه يا جماعه خالص
مش هيجراله حاجه بس تذكروا دايما اننا بنتعامل مع روح
الحكايه دى كنت قالتهالى بنت خالتى وعملتها وفعلا نفعت معايا
بعد كده هنشيله نحطه فى الرمل وكل ميطلع برا هنرجع نحطو فى الرمل تانى
كل ده احنا بنعلمه انو يعمل حمام فى الرمل
دلوقتى طبعا القط لو صغير وعندو 40 يوم هتلاقيه هادى شويه
وياريت متحاولوش تخضوه
يعنى مش يلاقى فجأه العماره كلها متجمعه عشان
تشوف القط بتاعنا لانه فعلا بيخاف
وبيحتاج وقت على ميتاقلم على المكان
القط الكبير بتلاقيه على طول ياخد جوله فى الشقه
تقوليش بيشوف الشقه كام اوضه وبالبروزات والمناور ولا لا
اما القط الصغير فبياخد الجوله دى برضه بس بعد ميطمن
وبكده تقدرى تشترى القط وانتى مطمنه
منقووووول
الخميس 26 يوليو 2018 - 0:15 من طرف 
