الخضار عفن فى درج التلاجه تانى ...ايه الحل؟؟

انا كتير كنت اشترى الخضار


طماطم وخيار وكوسه وفلفل و و و


واحطهم فى درج التلاجه

هما يومين والاقيهم دبلو

ويومين كمان الاقى ان فيه عفن بدا يحصل



بسبب ان الخضار بيتنفس طبعا

والرطوبه بتكثف الهوا

وبتعمل مايه على جدران الدرج


وبعدين لقيت حل


هو انى افرش مفرش قماش قطن فى الدرج واحط عليه الخضار


من غير اكياس

انا عامله الحكايه دى بقالى 4 ايام اهو ومفيش نقطة مايه فى الدرج


وبالتالى الحمد لله محصلش اى تعفن للخضار


وعندى كمان فكره للخضره كمان

الى انا مستغناش عنها فى البيت

النعناع والبقدونس والجرجير

انا بغسلهم كويس جدا جدا

وبحطهم فى علب بلاستيك بتاعة التلاجه

لكن برضو بحط فى قعر العلبه

اما ورق ابيض نضيف او حتة قماش قطن نضيفه

علشان ميكنش فيه رطوبه فى العلبه والخضره تدبل وتصفر



وادعووووووووووووولى

يارك الله فيكى شكرا لك