محشى ورق عنب يجنن

طريق محشى ورق عنب جديده


طريقه بسيطه وتغير

شويه عن المعتاد تجربيها وتقولى لى رايك يارب تعجبكم

الاول طبعا بنجيب ورق العنب وبعدين نسلقه عادى نص سلقه كدا

وبعد كدا بتحضرى خلطه المحشى على اد المقدار اللى انتى عاوزه تحشيه

تجيبى الارز وتغسليه

وتكونى مقطعه الخضره(عباره عن كثبرة خضراء وبقدونس وشبت )وتفرمى البصل

وتدعكيه بالملح والفلفل وكمون ولو بتحبى بهارات ممكن تحطيها) وتلخبطى الخضره

على البصل


وتكونى عمله الصلصه يعنى عصير طماطم تحطى عليها شوية زيت وتسبيها تتسبك

على النار طبعا تحطى عليها شويه ملح وفلفل صغيرين



وبعدين بعد اما الصلصه تتسبك وتبرد شوى تلخبطيها على البصل والخضرة وبعديها

تحطى عليهم الارز وممكن فى الاخر تحطى ملعقه صلصه عشان يبقى لو احمر وحلو

تظبطى الملح بتاعه وتحطى عليه زيت بقى



ثم تحشى الورق العنب


قبل اما ترصى المحشى فى الحله تكونى حاطه قطع اللحم وتقطعى 2 طماطم

حلقات وبصله كبيره حلقات وممكن 2 فلفل اخضر او احمر ايضا حلقات وترصيهم فوق

اللحم وتحطى 4 فصوص توم كما هى بدون ماتفرميها


وبعدين ترصى اصابع المحشى وتسقيه شربه لحم او فراخ وتضعيه على النار حتى

يستوى

وتقلبى الحله فى صنية التقديم بيكون على الوش اللحم والطماطم وتحت المحشى

يااااااااااااااااااارب يعجبكم

فكرة حميله بس عايزة حله تيفال علشان تقلب مرة واحده


شكرااااا ندا على الوصفه الشهيه

انا بحب كل انواع المحشى كوسه, ورق عنب , كرنب


كله كله شكرا يا عسل

marwa كتب:

فكرة حميله بس عايزة حله تيفال علشان تقلب مرة واحده


شكرااااا ندا على الوصفه الشهيه

العفو يا مروة نورتى الموضوع

warda كتب:

انا بحب كل انواع المحشى كوسه, ورق عنب , كرنب


كله كله شكرا يا عسل

نورتى الموضوع ورده

بموت فيه وبحبه جدااااااااااااااااا

مشكووورة

تسلم ايديكى