ازاى تصغرى الصورة او تكبريها,,,,ولو مقلوبه تعملى ايه؟

[ندعوك للتسجيل في المنتدى أو التعريف بنفسك لمعاينة هذه الصورة]



هنشوف هنا ازاى نصغر الصورة ونغير امتدادها ونعدل الصور المقلوبه


اولا لتصغير الصور



بتقفى على الصورة كليك يمين بتدوسى عليها بالناحيه اليمين من الماوس وتختارى

open with هتفتح لك قايمه اختارى منها paint هتلاقى الصورة اتفتحت ف برنامج

الرسام اللى هو ال paint




فوق هتلاقى قوايم افتحى قايمه image واختارى تانى اختيار اللى هو stretch/skew

هتتفتح لك وندو صغيره وفيها مربعين كل واحد مكتوب فيه 100% اقفى على رقم

100 ده واكتبى مكانه 50 والمربع اللى تحته نفس الحكايه يعنى المربعين اكتبى

فيهم 50 ودوسى ok



هتلاقى الصوره بقت صغيره ولو احتاجتى تصغريها كمان كررى نفس الخطوة

ولما تظبطى الحجم اللى يعجبك روحى قايمه file هتنزل لك قايمه اختارى منها

save as هتتفتح لك وندو اتبعى الخطوات اللى باينه اولا هتسمى الفايل باسم

تختاريه وهتختارى الامتداد الموضح لانه بيبقى سهل ف رفع الصورة وطبعا هتختارى

المكان اللى هتحفظيها فيه على الكمبيوتر وما تنسيش تدوسى save



العلامتين بالقلم الاحمر الاولى مكان اسم الصورة اللى هتحدديه بنفسك

والتانى اللى تحته ده الامتداد الافضل للصورة هتختاريه من قايمه الامتدادات اللى

هتطهر لك لما تدوسى على السهم الصغير اللى جنبه


وبعدين تدوسى save اوعى تنسى




بالنسبه للصور المقلوبه هنفنح الصورة بنفس الطريقه السابقه كليك يمين

open with

paint

وهتروحى قايمه image وتختارى اول حاجه فيها اللى هى flip/Rotate هتلاقى وندو

صغيره فتحت اختارى اخر دايره وحطى فيها النقطه الخضرا واختارى عايزه تلفى

الصورة بانهى زاويه او الصورة مقلوبه بالجنب اختارى 270 درجه ودوسى ok





كده قلبنا الصورة 270 درجة

وبعدين تروحى قايمه فايل وتختارى save


اختكم ف الله

درس جميل نور شكرا يا قمر

نورتى موضوعى

شكرا يا قمر

ايه الشطارة دى شكرا يا شطووورة